Jab pawan ke jhonke thande
Chehre pe aa takraate hain
Aakash mein baadal kale
Masti se yun ghir aate hain
Palkein kuch kuch bheeni si
Madhdham si ada dikhati hain
Sanson hi Sanson mein jaise
Jeevan ki rut chali aati hai
Jab ped imaaratein log
Tezi se daude peechhe
Aur dil ko mile jahan
Saat aasmaan ho jaise neeche
Udta hun unmukt gagan mein
Pankh failaye apne
Badhta chalun chalta chalun
Yaadon ki dor hai kheenche
Aankhen main band karlun
Khud-ba-khud hi udta jaaun
Dharti ki gehraayi
hawa ke rang badalta jaaun
Badal ke kareeb pahunch
Bhula saara jag main jo
Band aankhon mein anjaan
Ek kavi banata jaaun
[ Written while travelling in bus! ]
this one ‘s the best…